دبي: عبّر الفنان عبدالكريم حمدان عن حزنه الشديد بعد تدمير منزله في مدينة حلب السورية.

ووفقاً لما اورده موقع "لبنان 24" فقد نشر حمدان صوراً لمنزله المدمّر وكتب: "هذه المرة الثانية الي بينقصف فيها بيتي وبيت أهلي، بس هل المرة ماضل شي فوق الأرض، هي سوريا مالها اسرائيل، افهموا يا ناس كل مرة بقول أنا فنان وما بدي أحكي بشي خصو بالسياسة على مبدأ أنو خلينا ندعي بالمحبة والتسامح والخير لهالبلد اللي خرب ونحن لسه عم نتقاتل".

وأضاف: "بتبكي من كل قلبك على شقا عمرك وعمر أهلك وأجدادك لحتى يأمنوا لك بيت تسكن فيه ويأويك بفرحك وحزنك وجرحك وألمك، اي حب واي تسامح وأي خير لسه بده الواحد يدعي أله ارحموا من في الأرض يرحمكم من في السماء طبعآ هاد اذا بتعرفوا شي أسمه محبة ولا خير لهالبلد ما كفاكن خراب لهالبيوت وتشريد وقتل لهالناس شو بدكن لسه".

وتابع: "بيوت وحارات ما فيها حدا لا مؤيد ولا معارض حتى ما سلمت منكن ومن شركن شو بده الواحد لسه يحكي حسبنا الله عليكم بس هالبيت متله متل بيوت السوريين وما حيكون احجاره أغلى من قطرة دم طفل او جرح أم او دمعة شيخ و حرقة قلب أب تتهنوا بحجاره و حجار كل بيت سوري لأنه رح نرجع نعمره على قبوركن يا عديمين الرحمة".